Bu sözün mənası örtməkdir. İnsanın düşünmə və ağıl işlətmə bacarığını örtən uyuşdurujulara, xüsusən şəraba «xəmr» deyilməsi bundandır. Qurani-Kərim bu anlamda «xəmr»i 6 yerdə işlədir (Baqara, 219; Maidə, 90-91 və s.).

Qadınların başlarını örtmək üçün işlətdikləri «ximar» da «xəmr»lə eyni kökdəndir və «örtən şey» mənasını daşıyır. Bu son şəkli ilə bu söz Nur surəsinin 31-ci ayəsində cəm şəklində «xümur» kimi işlənilir.

Quranın alkoqollu içkiləri yasaqlayan Maidə surəsinin 90-cı ayəsində yasaq «xəmr» sözü ilə verilib. Burada əsrarlı Quran üslubunun bir gözəlliyinə daha şahid olmaqdayıq. Yasaq gələn zaman ərəb cəmiyyəti emal etdiyi alkoqollu içkilərə «xəmr» deməkdə idi. Quran yasağı gətirəndə elə bir kəlmə seçib ki, həm o gün işqlədilən alkoqollu içkiləri, həm də insanın düşünmə və ağıl yürütmə fəaliyyətini pozacaq hər cür uyuşdurucunu eyni anda yasaqlaya bilirdi. Çünki xəmr düşünmə fəaliyyətində axsama yaradan bir şey deməkdir. Bunun maye və ya quru olması, ağızdan və ya başqa bir yolla alınması heç bir fərq yaratmaz.

Qısajası, Qurani-Kərim xəmr yasağı ilə topdan uyuşdurujuları insan həyatından qovmağı məqsəd qoyub.

Bu yasağı pozanlara peyğəmbərimiz müxtəlif cəzalar təyin edirdi. Xəlifə Ömər yasağı pozanlara 80 zopa vurdururdu. Daha sonra buna sürgün cəzası da əlavə edən Ömər bu son cəzanın pis nəticələr verdiyini görüb bundan vaz keçmişdi.