Sual 61: “Allah” əvəzinə “Tanrı”
deyənləri tənqid edilir. Amma siz “Tanrı” sözünü də işlədirsiniz.
Hansı doğrudur?
Cavab:
“Tanrı” türk dlilndə Allah deməkdir. Orta əsrləridə bir çox
müsəlman mütəfəkkirlər bu sözdən istifadə ediblər. “Allah”la
yanaşı “Tanrı” deməkdə heç bir nöqsan yoxdur.
Sual 62: “Allah” sözü Quranın
öyrətdiyi bir addır, yoxsa əvvəllər də olubmu?
Cavab:
“Allah” ərəbcə bir söz olub, mənası ibadət edilən deməkdir.
İslamdan əvvəl də işlənib. Əsas olan Allah haqqındakı anlayış
və düşüncəmizdir.
Sual
63: Yatanda Quran oxumaq olarmı?
Cavab: Olar.
Sual
64: İnsanlar arasında “Hər şeydə bir xeyir var” sözləri geniş
yayılıb. Doğrudan da, belədirmi?
Cavab: Hər şeyin yaradıcı plan və proqramda
bir yeri var. Bu planlarda təsadüfə yer yoxdur. Biz fərqində
olsaq da, olmasaq da, bir xeyir var.
Sual
65: “Mübin kitab” nə deməkdir?
Cavab: Quranın vəsflərindən,
sifətlərindən biridir. Şuara surəsinin 2-ci, Nəml və Qasas surələrinin
1-ci ayələrində Müqəddəs Kitabımız “mübin” – açıqlayan, açıqca
göstərən adlandırılır. Yəni bu kitabda anlaşılmazlıq mücərrədlik
yoxdur.
Sual
66: İslama görə, qadın hökmdar, dövlət başçısı ola bilərmi?
Eşitdiyimə görə, bir hədisdə bunun fəlakətli olduğu deyilir.
Cavab: Nəml surəsində Səba kraliçasının haqqında
yazılanları oxuyanda bu qadının ağıllı, tədbirli, ölkəni məşvərətlə
idarə edən birisi olduğu görünür. Əvvəlcə kafir olsa da, haqqı
görüncə Süleymanın əmrinə girib Allaha təslim olduğu görünür.
Burada Səba kraliçası haqda mənfi heç nə yoxdur. Ona görə Quranın
qadınların dövlət başçısı olmasına müsbət yanaşdığı bəlli olur.
Siz deyən hədis isə belədir: “Başlarına bir qadını keçirən bir
qövm uğura uğramaz” (Buxari, “Fitən” 18, Tirmizi “Fitən” 75).
Göründüyü kimi bu hədis Qurana ziddir, ona görə qəbul edilə
bilməz.
Sual
67: Nuh tufanından qabaq dünyada böyük texnologiyanın olduğu
doğrudurmu?
Cavab: Nuh tufanından qabaq böyük bir mədəniyyətin
olması qənaətinə qüvvət verən ayələr var.
Sual
68: Adəmə adların öyrədilməsi nə deməkdir?
Cavab: Burada işarə edilən insan varlığına əşyaların
mahiyyəti və bağlı olduğu qanunları öyrənə bilmək gücünün qoyulmasıdır.
Sual
69: İslamda qohum evliliyinə münasibət necədir?
Cavab: Quran qohumların evlənməsinə yasaq qoymayıb.
Nisa surəsinin 23-cü ayəsində kimin evlənməsinin yasaq olduğu
sadalanır: “23. Ananız, qızınız, bacınız, bibiniz, xalanız,
qardaşınız qızı, bacınız qızı, sizi əmizdirmiş süd ananız, süd
bacınız, qaynananız, zifafa girdiyiniz qadından olub evinizdə
saxladığınız qızlığınız - zifafa girməmisinizsə həmin qadınla,
qızını alsanız günaha batmazsınız - doğma oğlunuzun halalı və
iki bacını alıb evlənmək haram bilinmiş sizə. Keçmiş ola keçmişdəkilər.
Şübhəsiz, bağışlayandır, Rəhimdir Allah”
Sual 70: Bərzəx
aləmi nədir?
Cavab: Bərzəx iki şey arasındakı maneə anlamı
verir. Məhşər aləmi ilə dünya aləmi arasındakı müddətə də bərzəx
deyilir. Ruhlar məhşərə qədər bu ara aləmdə olurlar.
Sual
71: Allah sevgisi və Allah qorxusu anlayışları fərqlidirmi?
Cavab: Allahla əlaqələrimizdə sevgi əsasdır.
İman da bir sevgi aktıdır. Amma qorxu da bir rəhmətdir. Allahın
tövsiyə etdiyi yolu azanda qorxuya düşürük.
Sual
72: Müşriklərlə yoldaşlıq etmək, evlənmək olarmı?
Cavab: Qadağan olunan yoldostluq yox, evlənməkdir.
Yoldaşlıq və qonşuluq bütün insanlar üçün təşviq edilib.
Sual
73: “Bu Quran uydurma bir hədis deyil” (Yusif, 111) ayəsi nəyə
işarə edir?
Cavab: Bu ayədə Quran uydurma hədislərə diqqət
çəkir.
Sual
74: Səcdədə olanda Allaha daxilimizdən gələn kimi dua edə bilərikmi?
Cavab: Səcdəni çox uzatmadan etmək olar.
Sual 75: Qurandakı
qədər anlayışı nədir?
Cavab: Quranda qədər təbiət qanunları və öılçü
mənasında işlənir. Bizim əməllərimizlə heç bir əlaqəsi yoxdur.
Yəni islamda fatalizm yoxdur.
Sual
76: İslamda demokratiyaya yer varmı?
Cavab: Gerçək demokratiya islama zidd deyil.
Sual
77: Adəm ilk insandırmı, yoxsa ondan əvvəl də insan cəmiyyəti
olubmu?
Cavab: Adəmdən əvvəl də bir insan nəsli olub.
Mələklər bunu bildikləri üçün insanın neqativ işlərindən şikayətçi
olublar.
Sual
78: Zina nədir?
Cavab: Evlilikdən kənar cinsi əlaqə.
Sual
79: Qurandakı “ayırıcı olmayın, birləşdirici olun” ayəsi nüvə
reaktorlarının Allah əmrinə zidd olduğunu gösrərmirmi?
Cavab: Bu ayə sosioloji bir gerçəyə diqqət çəkir,
kimyəvi və fiziki məsələlərə yox.
Sual
80: Başqa dinlərdə də fundamentalist təşkilatlar varmı?
Cavab: Bəli. Xristianlıqda İrlandiya Olster
protestantları, Qvatemala adventistləri, «Comunione e Liberpzione»,
hinduizmdə RSS və ya Könüllülərin Milli Birliyi, VHP və ya Ümumdünya
Indus Cəmiyyəti, BCP və ya Hindistan Xalq Xartiyası, yəhudilikdə
“Quş Eminum”, “Kax” təşkilatı, “Xabad”, «Xarodi» təşkilatları,
buddizmdə “Sinhal Maha Sabha” və s. kimi fundamentalist təşkilatlar
var.