Sual 521: KASKO sigortası haramdırmı?
Cavab: Xeyr.
Sual
522: Şiə və sünnilər bir-birilə evlənə bilərmi?
Cavab: Hər ikisi eyni
dinin övladlarıdır. Bunun əksini demək günah olar.
Sual 523: Peyğəmbərimizin
türklər haqda hədisləri kimi yayılan sözlər doğrudurmu?
Cavab: Peyğəmbərimizin
heç bir xalq haqda heç bir sözü yoxdur. Bu tip sözlərin hamısı
uydurmadır.
Sual
524: Allahdan başqası şəfaət edə bilərmi?
Cavab: Qurana görə,
«Allahın iznilə mümkün olar hər cür şəfaət” (Zumər 44).
Sual 525: Qadınlar
necə örtünməlidir? Şalvar geyə bilərlərmi?
Cavab: Abdəst üzvlərindən
xaric yerlər örtülməlidir. Bunun hansı paltarla örtülməsi hər
kəsin öz işidir.
Sual 526: Dünyanın
bir çox yerində “Allah” yazılı bir çox şeylər kəşf edilir. Bunu
kimlərəs edir, yoxsa Allah Öz adını istədiyi yerə yazır?
Cavab: Bunların islam
nöqteyi-nəzərindən dəyəri yoxdur. Nə Allahın, nə də Onun dininin
belə ssenarilərə ehtiyacı var.
Sual 527: Quranda
bəzi ayələrin əksildiyi iddiası var. Sizcə, bu, doğrudurmu?
Cavab: Quranda nə əksiltmə
var, nə də əlavə.
Sual
528: İslama görə orqan bağışlamaq günahdırmı?
Cavab: Əksinə, həyata
xidmət olduğu üçün savabdır.
Sual
529: Ayaqyolunda dini şeylər düşünmək günahdırmı?
Cavab: Düşünmək heç
yerdə günah deyil.
Sual
530: Ali İmran surəsinin 81-ci deyilən rəsul kimdir?
Cavab: Ayədə “təsdiq
üçün göndərilən Rəsul” deyiləndə peyğəmbərimiz nəzərdə tutulur.
Sual
531: Vaqiə surəsinin 79-cu ayəsində “Ona ancaq təmiz olanlar
toxuna bilər” deyilir. Buradan nə məna çıxır? Qurana abdəstsiz
əl vurmaq olmaz?
Cavab:
Bu ayənin insanlarla əlaqəsi yoxdur. Söhbət mələklər aləmindən
və Lövhi-məhfuzdan gedir. Ayə əmr yox, xəbərdir.
Sual
532: Quranda dini geyimdən danışılırmı?
Cavab:
Geyim yox, ölçülər barədə danışılır. Ölçülər dini ola bilər.
Sual
533: Ülul-əmrə (əmr sahiblərinə) itaət vacibdir deyirlər. İzah
edərsinizmi?
Cavab:
Quran seçdiyimiz əmr sahiblərinə itaəti tövsiyə edir. Seçəndə
səhv edənlər günahı başqasında görməməlidir.
Sual
534: Cünub olanda aldığımız nəfəs günahdırmı?
Cavab: Bu tip düşüncələrin
islama dəxli yoxdur.
Sual
535: Quranda bərzəx aləmi ilə bağlı məlumat varmı?
Cavab:
Var. Məsələn, Muminun surəsinin 99-100-cü ayələrində deyilir:
“ Onlardan hər kimi ölüm haqlayarsa, deyər: «Rəbbim, geriyə
qaytar məni. 100. Yarımçıq qoyduğum işimi tamamlaram, yaxşı
işlər görərəm». Bir sözdür deyir o, deməyin nə faydası? Diriləcəkləri
günə qədər bir maneə dayanar onların arxasında. Saytımızda bərzəxlə
bağlı ayrıca yazı var: http://reldem.net/berzaz.html
Sual
536: Səfər namazı qılınması üçün kilometr şərti varmı?
Cavab:
Belə bir şərt yoxdur. Yola çıxan özü qərar verməlidir.
Sual
537: İbrahim peyğəmbərin vaxtında namaz vaxtı var idimi?
Cavab:
Namaz mənasında Quranda “salat” sözü işlənir. Bunun bir mənası
da dua deməkdir. Salatın keçmiş peyğəmbərlərin zamanında necə
həyata keçirildiyini bilmirik.
Sual
538: Nur surəsinin 36-cı ayəsindəki “qəndil” Quran mənasındadırmı?
Kur’an-ı Kerim anlamına mı gelmektedir?
Cavab:
Qəndilin hansı mənada işlənməsi ilə bağlı qəti hökm vermək mümkün
deyil.
Sual
539: İsa peyğəmbər məhkəməsində “Mən Allahın oğluyam” deyibmi?
Cavab:
Həqiqətə uyğun deyil. İsa peyğəmbərin əsl həyatını Qurandan
öyrənmək ən doğru yoldur.
Sual 540: Qəbir üstə gedəndə ölülər
xəbər tuturmu?
Cavab:
Qəbir üstə ölümü xatırlamaq üçün gedilir.