Cavab: Bunu qəti şəkildə ifadə
edən bir ayə yoxdur.
Sual
502: İbadətlərin məcburi olduğunu bildirən ayə varmı?
Cavab: Yoxdur. Məcburiyyət və
ibadət anlayışları bir-birinə ziddir.
Sual
503: Vitr namazının dinimizdəki yeri nədir?
Cavab: Vitr namazı fərz deyil.
Savab üçün qılınan bir namazdır.
Sual
504: Müsəlman olmayan bir şəxsə yardım etmək savab deyil?
Cavab: Dinimiz yardımı Allahın
bəndələrinə etməyimizi istəyir. Yardıma möhtac olan hansı dindən
olursa olsun, yardım edən Allahın razılığını qazanır.
Sual
505: Quranın əsas məqsədi insanları vicdan sahibi etməkdir demək
olarmı?
Cavab: Bəli. Quranın özü ən
mükəmməl vicdandır.
Sual
506: İnsanların bir-birlərini rəbb etməsi nə deməkdir?
Cavab: İnsanı rəbb etmək, onu
müqəddəsləşdirmək və tənqiddən kənar elan etməkdir. Elmdən faydalanmaq
və elm sahibinə hörmət rəbləşdirmə deyil.
Sual
507: Bir adam içki içərsə, qıldığı namaz qəbul olunarmı?
Cavab: Namaz vaxtı sərxoş deyilsə,
namaz keçərlidir. Ancaq alkoqol haramdır.
Sual
508: Peyğəmbərimizin köksünün açılması neçə dəfə olub?
Cavab: Bunun maddi olup-olmadığını
bilmirik. Sayı da bilinmir.
Sual
509: Allaha ilk inanan peyğəmbərimiz olduğu üçünmü Allah onu
çox sevir?
Cavab: Hər peyğəmbər öz ümmətinin
ilk inananıdır. Quran belə deyir.
Sual
510: “Allah” və “Rəbb” eyni mənadadır?
Cavab: “Rəbb” Allahın sifətlərindən
biridir. Tərbiyə edən, kamala çatdıran deməkdir.
Sual
511: Qurana görə şəfaət nədir?
Cavab: Din dilində şəfaət dua
və yaxşılıq diləmək mənasındadır. Qurtuluş vəsiqəsi kimi şəfaət
anlayışı Qurana ziddir.
Sual
512: Peyğəmbərlərin möcüzələrinin qaynağı nədir?
Cavab: Qurana görə möcüzə həyat
və kainatdakı elmi incəliklər və sirlərdir.
Sual
513: Cünub vəziyyətində ölən adam həmişə cəhənnəmdə qalır?
Cavab: İslamda bu cür düşüncələrin
yeri yoxdur.
Sual
514: Quranda yağış duası varmı?
Cavab: Quranda belə bir duadan
söz açılmır.
Sual
515: Evdə başı açıq vəziyyətdə namaz qılmaq olarmı?
Cavab: Bəli.
Sual
516: Təvaf, Səfa və Mərva arasında səy həccin fərzləridirmi?
Cavab: Kəbənin ətrafında təvaf
həccin əsas şərtidir. Səfa ilə Mərva təpələri arasında səy ənənədir.
Sual
517: Quran "müqəddəs vadi"dən söz açır. Mənası nədir?
Cavab: Quranda insanlar tərəfindən
müqəddəsləşdirilmiş vadidən söz açılır. Tərcümələrdə “müqəddəs
vadi” verilir. Bunu düzəltmək lazımdır.
Sual
518: Qiyamətdən qorxmaq doğrudurmu?
Cavab: Qorxulu hər şeydən qorxmaq
insani bir duyğudur.
Sual
519: İslamda nəzir demək varmı?
Cavab: Var. Quran verdiyimiz
sözlərə əməl etməyimi insanlıq borcu sayır.
Sual
520: Cahil bir adamın Qurana əməl etməsi haramdır?
Cavab: Qurana əməl etmək haram
yox, Allahın öyüdüdür. Bunun haram olduğunu demək isə küfrdür.