Sual 381: Üzünü qibləyə tutmadan qılınan namaz qəbul olunurmu?
Bəs Bəqərə surəsindəki “Üzünüzü Məscidi-harama tutun” sözlərindən
məqsəd nədir?
Cavab: Orada müsəlmanlara qiblə müəyyən edildiyi
bildirilir. Camaat halında namaz qılanda qibləyə tutmalıyıq
üzümüzü. Amma fərdi şəkildə qılınan namazda qibləyə dönülməsə
də, namaz qəbul olunur.
Sual
382: Bəzi ət yeməkləri ləzzətli və yumşaq olsun deyə, onları
bişirəndə şərab qatırlar. Belə yeməklər haramdırmı?
Cavab:
Haram deyil. Çünki bu vaxt şərabdakı alkoqol öz keyfiyyətini
itirir.
Sual
383: İnsanların anlama səviyyəsi müxtəlifdir. İnsan anladığı,
qavradığı qədərindənmi məsuldur? Əgər elədirsə, bu, dərindən
anlayanlara qarşı haqsızlıq deyilmi?
Cavab:
Dediyinizdə həqiqət payı var. Dərindən anlamağın faydası çox
olduğu üçün məsuliyyəti də çoxdur. Cəhalətə gəlincə, onu üzrlü
səbəb kimi təqdim etmək olmaz.
Sual
384: Allah ilə insan arasında əlaqə təkcə dua yolu ilədirmi?
Allahdan ilham almaq ücün insan nə etməlidir?
Cavab:
Allahdan ilham davamlı olaraq gəlir. Bunu almaq qəlbin vəziyyətindən
asılıdır.
Sual
385: Hər gün duş alıram. Bundan sonra namaz qılmaq olarmı? Yoxsa
qüsl etmiş adam əlavə olaraq abdəst dəmi almalıdır?
Cavab:
Qüsl bədənin tam yuyulmasıdır və namaz abdəsti yerinə də keçərlidir.
Sual
386: Terror törədib ölənlər şəhid olurmu?
Cavab:
Terror hadisəsi törədib ölənlərə şəhid deyilməz. Günahsız insanları
öldürənlər cəhənnəmlikdir.
Sual
387: Quranda yoxsul və yetimlərlə yanaşı "yolda qalanlar"
ifadəsi işlənilir. Burada kimlər nəzərdə tutulur?
Cavab:
Xüsusən keçmişdə yolda ikən çətin vəziyyətdə qalanlar olurdu.
Onlara yardım tövsiyə olunur. Bu gün də belələrinə rast gəlmək
mümkündür. Ayədə qonaqpərvərlik təşviq olunur.
Sual
388: Quranda "Allaha qovuşmaq" deyəndə nə nəzərdə
tutulur?
Cavab:
Burada ruhun ayrıldığı yerə qayıtması nəzərdə tutulur.
Sual
389: Qurandakı "buruc" sözünü ulduz sistemləri, qalaktikalar
kimi anlamaq olarmı?
Cavab:
Bəli, olar.
Sual
390: "Allahın ismi və sıfəti olmaz. Çünki Allah hər şeydən,
o cümlədən isim və sifətdən də münəzzəhdir" deyənlər var.
Bu fikrə münasibətiniz?
Cavab:
Allahın isim və sifətləri bizim Onun anlamağımız baxımından
məna ifadə edər.
Sual
391: İbrahim peyğəmbərin millətinin əsas xüsusiyyətləri hansılardır?
Cavab:
Vəhyə uymaq, yanlış ənənələrə tənqidi baxış, ağlın, rasional
təfəkkürün dövrəyə girməsi.
Sual
392: Ənam surəsinin 153-cü, Mumtəhinə surəsinin 1-ci, Ali İmran
surəsinin 195-ci ayələrində ki “yol” sözü eyni zamanda din mənası
verirmi?
Cavab:
“Yol” sözü "Allahın yolu" şəklində işlənəndə dediyiniz
doğrudur.
Sual
392: Allahın bütün bilgiləri Onun dinidirmi?
Cavab:
Belə bir hökm vermək olmaz.
Sual
393: Fiqh kitablarında Mehdi adlı bir şəxsin gələcəyi, 40 gün
dünyaya zülm edən Dəccalı İsa peyğəmbərlə birgə öldürəcəyi yazılır.
Bu, doğrudurmu?
Cavab:
Bunlar sonradan islama əlavə edilmiş yad inanclardır. İslamı
Qurandan öyrənmək doğru olar.
Sual
394: Quran oxuyanda saqqız çeynəmək, nəsə yemək, Quranı yerə
- xalçanın üstünə qoymaq ona hörmətsizlikdirmi?
Cavab:
Müqəddəs Kitabımızı oxuyanda ədəb tövrünü qorumaq lazımdır.
Quranı yerə qoymaq böyük hörmətsizlikdir.
Sual
395: Kişi oruclu olanda onu qadın həkim müalicə etsə, orucu
pozularmı?
Cavab:
Xeyr, pozulmaz.
Sual
396: Qızıl zinət əşyaları taxmaq kişilərə haramdırmı?
Cavab:
Quranda belə bir haram yoxdur.
Sual
397: Niyə ölülərə Yə-sin surəsi oxunur? Bu, əmrdir, yoxsa ənənə?
Cavab:
Ənənədir. Yə-sin surəsində Quranın dirilər üçün oxunması istənilir:
“70. Allah bu Qur'anı göndərmiş ki, sağ olan kimsələrə Peyğəmbər
xəbərdarlıq eləsin və o deyilən əzab haqq olsun kafirlər üçün”.
Sual
398: Peyğəmbərimizə salavat gətirmək fərzdirmi?
Cavab:
Ömrümüzdə ən azı bir dəfə salavat gətirmək fərzdir. Bundan sonrası
hər kəsin öz işidir.
Sual
399: Qurandakı “kordurlar, görməzlər, kardırlar, eşitməzlər”
kimi ifadələr kar və korları rəncidə etmirmi? Quran əqli və
fiziki qüsurlulara necə baxır?
Cavab:
Quranda deyilən korluq qəlb gözünün korluğudur. Bunun şikəstlərlə
heç bir əlaqəsi yoxdur. İslam əqli və fiziki qüsurlularla mərhəmətlə
davranmağı tövsiyə edir.
Sual
400: Ayaqyolunda siqaret çəkmək günahdırmı?
Cavab:
Bu, zövqlə bağlı bir işdir. Dinlə əlaqəsi yoxdur.