Sual
181: Pozulan andın kəffarəsi nədir?
Cavab: Müəyyən səbəbdən andı icra etmək mümkünsüz
olanda necə kəffarə ödəmək haqda Quranda məlumat verilir: «Pozulan
anda görə günahı yumaq üçün ailənizə yedirdiyinizin orta hesabı
ilə on fəqiri yedizdirmək, yaxud onları pal-paltarla təmin etmək,
yaxud da bir köləni azadlığa çıxarmaq gərək. Buna gücü çatmayan
üç gün oruc tutmalı. Andlarınızın kəffarəsi bunlardır. And içəndə
əməl edin andınıza. Ona şükr eləyəsiz deyə beləcə açıqlayır
sizə ayələrini Allah» (Məidə 89).
Sual
182: Ad günü qeyd etmək günahdırmı?
Cavab: Xeyr, bunda heç bir günah yoxdur.
Sual
183: Nəfsi-mərziyə nədir?
Cavab: Bu barədə Fəcr surəsinin 28-ci ayəsində
bəhs edilir. “Mərziyə” başqalarının razı olduğu mənası verir.
Deyilən ayədə Allahın razı olduğu nəfs mənasında işlənib.
Sual 184: Bəqərə
surəsinin 61-ci ayəsində deyilir: “«Ey Musa, eyni yeməyə dözə
bilmərik, bizdən ötrü dua elə Rəbbinə, yerin bitirdiyi səbzə,
qabaq, sarımsaq, mərcimək və soğan yetişdirsin bizə” demişdiniz.
«Düşük şeyləmi dəyişdirmək istəyirsiz sizə xeyirli olanı? Düşün
şəhərə, şübhəsiz, tapacaqsız istədiyinizi» dedi.” Adı çəkilən
nemətlər niyə “düşük” adlandırılır?”
Cavab: Bu yeməklər qüdrət halvası, bildirçin
ətiylə müqayisədə ikinci sinifdir.
Sual
185: Təsbih namazı adlı namaz növü varmı? Deyirlər, kim o namazdan
qılsa, Allah bütün günahlarını bağışlayar.
Cavab: İslamda belə bir namaz və belə bir anlayış
yoxdur.
Sual 186: Deyirlər,
sonuncu nazil olan ayə Məidə surəsinin 3-cü ayəsidir. Son ayə
eniş sırasına görə sonuncu olan Nəsr surəsinin son ayəsi olmalı
deyilmi?
Cavab: Son ayə Məidə surəsinin 3-cü ayəsidir.
Son surə isə Nəsr surəsidir.
Sual
187: Ankəbut surəsinin 45-ci ayəsində deyilir: “Sənə vəhy olunanı
oxu Kitabdan. Namaz qıl. İnsanı əxlaqsızlıqdan, fənalıqdan qoruyar
namaz. Hər şeydən üstündür Allahı anmaq. Gördüyünüz işləri bilir
Allah”. Bu ayədən çıxış edib namazın insanı metafizik mənşəli
pis təsirlərdən qoruduğunu da demək olarmı?
Cavab: Bunu yalnız əsl namazlar haqda demək
olar.
Sual
188: Allah dünya həyatında zalımlara da ruzi verir. Çünki Allah
Rəhmandır. Bəs Allahın Rəhman sifəti axirətdə də təcəlli edirmi?
Cavab: Axirətdə Rəhim sifəti işləyəcək. Yəni
cəzaya layiq olanlar hesab verəcəklər.
Sual
189: Arılarımız gedib ətrafdakı bağlardakı meyvələrdən şirə
çəkir. O balı yemək, satmaq, almaq haramdırmı?
Cavab: Arıların hərəkətinə mane olmaq təbiətə
embarqo qoymaqdır.
Sual
190: Təkbaşına ibadətlərdə üzümüzü qibləyə tutmasaq, namaz qəbul
olunurmu?
Cavab: Quranda namaz vaxtı üzü qibləyə tutmaq
lazım olduğu deyilir. Toplu və tək halda namaz belə qılınır.
Amma təkbaşına namaz qılarkən qibləyə istiqamətlənmədən də namaz
qılmaq olar. Çünki başqa bir ayədə üzünü hara döndərsən, orada
Allahın üzü var” deyilir.
Sual
191: Deyirlər, sabah namazını gün doğanda qılmaq olmaz. Niyə?
Cavab: Günəşə sitayiş edənlərə bənzəməmək üçün
gün çıxanda və batanda namaz qılmaq olmaz.
Sual
192: Quranda Allahın elminin sonsuz olduğu deyilir. Eyni zamanda
deyilir ki, Allah bizi sınayır. Zəhmət olmasa, buna aydınlıq
gətirin.
Cavab: Allahın elminin sonsuz olması bizim imtihan
edilməyimizə mane olmur. Allah bizim dəyərimizin yoxlanması
zamanı özümüzün iştirakımızı istəyir.
Sual
193: Quranın bir sıra ayələrində, o cümlədən Cəsiyə surəsinin
6-cı ayəsində hədislərə inanmaq pislənilir. O zaman da hədislərə
inanmaq problemi vardı?
Cavab: Quran bu ayələrdə həm də gələcəkdə baş
verəcək sıxıntıları dilə gətirir.
Sual 194: İbrahim
surəsinin 6-cı ayəsində deyilir: “Musa öz qovmünə belə dediyini
xatırla: «Anın Allahın sizə verdiyi nemətini. Sizə işgəncə verən,
qadınlarınızı sağ saxlayıb oğullarınızın başını kəsən Firon
ailəsinin əlindən almışdı sizi. Böyük bir imtahana çəkmişdi
sizi Rəbbiniz.” Bu Məhəmməd peyğəmbərin Musa peyğəmbərin zamanıda
da yaşadığınımı göstərir? Yoxsa Tövratı oxuduğunumu bildirir?
Cavab: Heç birinin dəlili deyil. Ərəbcədə keçmişdə
olan hadisələri bu cür vermək üsulu var.
Sual
195: Fussilət surəsinin 3-cü ayəsində deyilir: “Ayələri anlayanlar
üçün ərəbcə Quran olaraq birər-birər açıqlanan Kitabdır bu”.
Bu ayə nazil olanda Quran kitab kimi toplanmışdı?
Cavab: “Kitab” Quranda heç də hər zaman bu gün
başa düşdüyümüz mənada işlənmir. Bir kitabın konkret parçasına
da kitab deyilir.
Sual
196: Bayram namazı fərzdirmi?
Cavab: Xeyr.
Sual
197: “İkan” nə deməkdir?
Cavab: “İman”dan fərqli olaraq “ikan” gerçəkliyi
dəlilə bağlı olan, mübahisəsiz bilik deməkdir.
Sual
198: Eyni abdəstlə neçə vaxt namazı qılmaq olar?
Cavab: Abdəst pozulmayıbsa, istədiyiniz qədər.
Sual
199: O biri dünyada bu dünyada etdiklərimizi xatırlayacağıqmı?
Cavab: Əlbəttə. Kəhf surəsinin 49-cu ayəsində
deyilir: “O əməl kitabı qoyulanda önlərinə orada yazılan işləklərindən
görərsən suçlular necə düşər qorxuya. «Vay bizim halımıza. Xırdalı-irili
nə varsa hər şeyi qeydə almış, hər şeyin sayını aparmış bu kitab»
deyərlər. Gördükləri işləri çıxmış qabaqlarına. Haqsızlıq eləməz
kimsəyə Rəbbin”.
Sual
200: Bir nəfər intihar eləmişdi. Eşidəndə "Allah rəhmət
eləsin" dedim. Mənə dedilər ki, belə demək doğru deyil.
İntihar edənə rəhmət düşmür?
Cavab: Siz haqlısınız. İntihar günahdır, amma
insanı dindən çıxarmır.