Açıq Cəmiyyət İnstitutu - Soros Fondunun təşəbbüsü və maliyyə dəstəyi ilə Nyu-Yorkda Din və Demokratiya Mərkəzinin sədri, ilahiyatçı alim Nəriman Qasımoğlu ilə görüş təşkil edilib. Görüşdə Nyu-Yorkun tanınmış alimləri, əlaqədar sahələr üzrə mütəxəssislər iştirak ediblər. N. Qasımoğlu «Keçmiş Sovet İttifaqının müsəlman ölkələrində islam dini və dövlət: cari problemlər və modellər» mövzusunda məruzə edib. Pinoniaao iönyeiai öeeyeyrində dini proseslərin bir sıra parametrlərə görə müsəlman əksəriyyətli digər dövlətlərdən (Türkiyə, Pakistan, ərəb ölkələri və s.) fərqlərini açıqlayan məruzəçi ikincilərdə islamın institutlaşdırırlmasının çox qədim tarixi köklərinin olduğunu deyib. Azərbaycan və Orta Asiyada dini situasiyadan danışan natiq bu ölkələrdə din işlərini tənzimləməyin mürəkkəbliyindən danışıb: «Bir tərəfdən dünyəvi dövlət quruluşu vətəndaşların vicdan azadlığına qarışmamağı tələb edir, digər tərəfdən əhalinin dini düşüncəsi faktorunun ölkədəki ictimai-siyasi situasiyaya təsirinin real perspektivlərinin dərk edilməsi rəsmi dairələri məcbur edir ki, dini situasiya üzərində nəzarəti bu və ya digər formada həyata keçirsinlər ki, deyilənlər sonucda dünyəvi dövlət quruluşunun sütunlarını sarsıtmasın».
Sonra müzakirələr keçirilib. Yaxın vaxtlarda ilahiyyatçı alimin Vaşinqtonun bir neçə elmi mərkəzəində də belə çıxışları gözlənilir.