Rəhman və Rəhim Allahın adıyla

1. Elə ki, yarıldı göy,

2. elə ki, töküldü ulduzlar,

3. elə ki, aşdı-daşdı dənizlər,

4. elə ki, üzə çıxdı qəbirdəkilər,

5. nəyi elədiyini, nəyi eləmədiyini bilər hər kəs.

6. Ey insan, səxavətli Rəbbinə qarşı çıxmağa səni vadar eləyən nədir?

7. Səni öncə xəlq eləmiş, sonra düzəldərək mütənasib biçim vermiş hər yerinə,

8. istədiyi görkəmdə səni yaradıb qurmuş.

9. Dediyiniz düz deyil. Siz dini danırsınız.

10. Sizin üstünüzdə gözətçilər var.

11. Nəcib mələklərdir, hər şeyi yazar onlar.

12. Tutduğunuz hər işi bilər onlar.

13. Şübhəsiz, naz-ne'mət içindədir düz əməlli kimsələr.

14. Şübhəsiz, cəhənnəm odunun içindədir pis əməlli kimsələr.

15. Girərlər oraya haqq-hesab günü.

16. Nə biləsən haqq-hesab günü nədir?

17. Girdilərmi çıxmazlar bir daha od içindən.

18. Nə biləsən haqq-hesab günü nədir?

19. Axı nə biləsən haqq-hesab günü nədir?

20. Kimsənin kimsəyə yardımı dəyməz o gün. Əmr Allahındır o gün.