ABŞ Dövlət Departamentində bu qurumun təşəbbüsü ilə Din və Demokratiya Mərkəzinin sədri Nəriman Qasımoğlu ilə görüş keçirilib. Görüşdə Azərbaycandakı mövcud siyasi durum, demokratiyanın vəziyyəti müzakirə edilib və geniş fikir mübadiləsi aparılıb. Azərbaycan xalqının demokratik dəyərlərə böyük hörmətlə yanaşdığını deyən N.Qasımoğlu Şərqdə ilk parlament respublikası olan Azərbaycan Xalq Cümhuriyyətinin tarixindən və təcrübəsindən danışıb.

Ölkəmizin Avroatlantika məkanına inteqrasiya məsələsinə münasibət bildirən İlahiyyatçı alim torpaqlarımızın işğalının yaratdığı vəziyyətdən, qaçqın və məcburi köçkünlərin ağır durumundan, onların hüquqlarının pozulmasından, münaqişənin həlli istiqamətində atılan addımların kəsərli və qaneedici olmamasının problemin sülh yolu ilə həllinə xalqın inamını azaltmasını, bunun Qərbə olan rəğbətə də şırımlar açdığını deyib.