Rəhman və Rəhim Allahın adıyla

1. And olsun bürclər yiyəsi göyə,

2. and olsun və'd verilən günə,

3. and olsun görən günə, görülən günə...

4. Ölüm olsun o çala qazanlara,

5. bu çalada od qalayanlara,

6. bu odun ətrafında oturanlara,

7. mö`minlərə verdikləri işkəncələrə tamaşa edənlərə [imanından döndərmək üçün mö'minləri oda atıb yandıran kafirlər nəzərdə tutulur].

8. Mö'minlərə qəzəbləri ona görə tutmuş ki, iman gətirmiş onlar güclü, öyülməli Allaha.

9. Göylərin yerin yiyəsidir O. Hər şeyə şahiddir Allah.

10. O kəslər ki, iman gətirən kişilərlə qadınları işgəncəyə uğradaraq döndərmək istərlər imanlarından və sonra tövbə nədir bilməzlər, cəhənnəm əzabı, odda yanmaq əzabı gözləyir onları.

11. İçindən çaylar axan cənnətlər gözləyir iman gətirənləri, əməli salehləri. Budur o böyük qurtuluş!

12. Şübhəsiz, şiddətlidir Rəbbinin cəzası.

13. Bir dəfə yaradan və bir də yaradan Odur.

14. Günahlardan keçəndir, mehribandır.

15. Ərş yiyəsidir, şöhrətlidir.

16. Dilədiyini eləyəndir.

17. Sənə gəlib çatmışmı əsgərlərin əhvalatı?

18. Fir'onun və Səmud qövmünün əsgərlərinin.

19. O kafirlər danmışdılar peyğəmbərləri.

20. Onları arxasından mühasirəyə almış Allah.

21. Sənə vəhy verilən bu Kitab Qur'ani Məciddir,

22. Lövhi Məhfuzda yazılmış.