Rəhman və Rəhim Allahın adıyla

1. Kitab əhlindən və müşriklərdən olan kafirlər küfrdən əl çəkən deyildilər nə qədər ki, onlara aşkar dəlil gəlməmişdi,

2. pak Kitabı onlara oxuyan Allahın Elçisi gəlməmişdi.

3. Doğru-düzgün hökmlər var həmin Kitabda.

4. Aşkar dəlil gələndən sonra yalnız ayrı-ayrı ayrımlara ayrılmış kitab verilən kimsələr.

5. Onlara buyurulmuşdu ki, təkcə Allaha ibadət edələr, təkcə Ona könül verələr, namaz qılalar, zəkat verələr. Doğru olan din budur.

6. Cəhənnəm içindədir Kitab əhlindən və müşriklərdən olub kafirlik eləmiş kimsələr. Və orada əbədilik qalarlar. Yaranmışın ən pisidir belələri.

7. Yaranmışın ən yaxşısıdır iman gətirən, saleh işlər görən kəslər.

8. Rəblərinin dərgahından mükafat olaraq içindən çaylar axan Adn cənnətləri gözləyir onları. Oralarda əbədilik qalarlar. Allah onlardan, onlar da Onun verdiyindən razı qalarlar orada. Bu cənnətlər Rəblərindən çəkinən kimsələrdən ötrüdür.