Rəhman və Rəhim Allahın adıyla

1. And olsun bu şəhərə [Məkkəyə],

2. sənə halal şəhərə,

3. and olsun ataya [Həzrət Adəmə] və ondan törəmələrə,

4. müsibətə, əzaba uğrayacaq olaraq xəlq elədik insanı.

5. Eləmi düşünür, kimsə güc yetirməz ona?

6. «Yığın-yığın mal-dövlət xərcləmişəm» deyər.

7. Eləmi düşünür, kimsə görməmiş onu?

8. Biz var eləmədikmi onun iki gözünü,

9. bir dilini, iki dodağını?

10. O iki zirvəyə gedən yolları ona göstərmədikmi?

11. O çətin keçiddən keçə bilmədi insan.

12. Nə biləsən o çətin keçid nədir?

13. Bir köləni açıb buraxmaqdır,

14. aclıq gələn gün doyurmaqdır

15. qohum olan bir yetimi,

16. yaxud torpağa yıxılı bir yoxsulu.

17. Sonra iman gətirərək səbr eləməyi, mərhəmət göstərməyi bir-birinə tövsiyə qılanların cərgəsində olmaqdır.

18. Əməl dəftəri sağ yöndən verilən kimsələrdir onlar.

19. Əməl dəftəri sol yöndən verilən kimsələrsə ayələrimizi dananlardır.

20. Bir od qübbəsi qurular üstlərində onların!