Rəhman və Rəhim Allahın adıyla

1. Yaradanın, Rəbbinin adıyla başla qiraətini.

2. İnsanı qan laxtasından yaradanın adıyla!

3. Oxu, Rəbbindir ən böyük kərəm yiyəsi.

4. Yazmağı öyrətmiş,

5. bilmədiyi nə vardısa insana öyrətmiş O.

6. Amma azğınlığa başlayar insan

7. özünü varlı sanan zaman.

8. Şübhəsiz, sənin [insana müraciətlə] Rəbbinin dərgahına axır dönəcək hamı.

9. Gördünmü o kimsə necə mane olmaq istəyirdi

10. bir bəndənin [Peyğəmbərin] namazına?

11. Bircə dəfə gördünmü heç doğru yolda ola,

12. ya Allahdan qorxmağı özgələrə buyura?

13. Gördünmü haqqı necə dandı, haqdan necə döndü?

14. Mögər bilməzmidi hər şeyi görür Allah?

15. Küfründən əl çəkməsə od içinə dartarıq onu tutaraq kəkilindən,

16. yalançı, günahkar kəkilindən.

17. Qoy çağırsın yardımına söhbətdaşlarını.

18. Biz də çağırarıq cəhənnəm mə'murlarını.

19. Ona baş qoşmayasan, namazından ayrılmayasan. Sən səcdədə ol, yaxınlaş Allaha.